СК „Југославија од Прилеп е првиот фудбалски клуб, кој ја имал честа да го одигра и првиот официјален натпревар на Градскиот стадион, кој некогаш бил турски гробишта. Натпреварот бил одигран во 1922 година, а за противник ја имале фудбалската екипа на СК „Омладина“ од Битола.
СК „Југославија“ бил градски клуб и во него играле чиновници, занаетчиски работници и ученици. Во најдобра форма оваа екипа била во сезоната 1931/32 година, кога станале првак на Скопскиот фудбалски потсојуз и се бореле за влез во прва Сојузната лига, но не успеале.
Во тоа време одиграле многу натпревари со битолски екипи, со струмичка „Беласица’, со клубови од Србија… Во Прилеп гостувале и некои белградски екипи.
СК „Југославија“ бил меѓу најдобрите екипи во Македонија, а двапати бил и првак на „Скопскиот лоптачки потсојуз“. На чело на клубот стоеле поистакнати прилепски трговци и занаетчии, како и луѓе од власта. СК „Југославија“ постоел до 1941 година.
За првиот официјален натпревар, одигран во 1922 година, за СК „Југославија“ настапиле: Таче Аџија, Јосиф Сугарески, Шабан учителот, Минда Фицироски, Серафим Најдоски, Рампо Џимпиро, Стевче Бабоски, Миха Киселоски и Благоја Мрмески.
На 24 мај 1930 година, по повод големиот верски и државен празник Свети Кирил и Методиј, бил одигран ревијален натпревар, а за СК „Југославија“ настапиле: Бојан Тасески, член на управата; Рампо Чесноски, претседател на клубот; Борка Николоски – Беќаро, Војне Н., Киро Санката, Серафим Најдоски, Методија Аџемоски, Рампо Здравески – Џимпиро, Рампо Беќаро, Методија Жерески, Виктор Тошески; Методија Јованоски – Митуш и Мамин Коло..
Битолска жупа (Група Прилеп):
Резултати:
Есенски дел:
25.10.1931 Југославија – Железничар 0:3 (Југославија под суспензија)
15.11.1931 Југославија – Шумадија 10:1
08.05.1932 Шумадија – Железничар 1:1
Пролетен дел:
13.03.1932 Железничар – Шумадија 0:3 (Железничар играл со играч без право на настап)
20.03.1932 Шумадија – Југославија 1:3
24.07.1932 Железничар – Југославија 0:7
Табела:
1. Југославија (Прилеп) 4 3 0 1 (20:5)
2. Железничар (Прилеп) 4 1 1 2 (4:11)
3. Шумадија (Прилеп) 4 1 1 2 (6:14)
Во 1931 година, боите за клубот ги бранеле: Николај (руски емигрант), Орде Зуграфоски, Пане Панески, Коста Кандоски, Минда Фицироски, Благоја Мрмески, Коста Хаџи-Костоски – Тутара, Мендо Цанески, Вернер (воено лице), Киро Крнката и Рампо Здравески-Џимпиро.
За жупски првак:
04.07.1932. СК Југославија (Прилеп) – СК Битољ (Битола) 3:0 (СК Битола не настапила)
Во 1932 година, одигран е натпревар против ССК „Скопје“, кој завршил со убедлива победа на Прилепчани со 6:3. За СК „Југославија“ на овој натпревар играле: Борис Николоски – Беќаро, Коста Хаџикостоски – Тутара, Миле Најчески, Методија Аџемоски, Димитар Москоски, Киро Чаушески – Талата, Димче Беќароски, Димитар Ветаџокоски, Киро Крстески – Штркот и Методија Митуш.
За провинциски првак:
I коло
24.04.1932. Љуботен (Тетово) – Гостиварски СК (Гостивар) 2:0 (Продолжението одиграно на 8.5.)
24.04.1932. Граѓански (Врање) – Витез (Бујановец) 7:0
II коло
08.05.1932. СК Кумановски (Куманово) – Граѓански (Врање) 0:4
Полуфинале
31.07.1932. Југославија (Прилеп) – Беласица (Струмица) 4:1
31.07.1932. Граѓански (Врање) – Љуботен (Тетово) 3:2
Финале:
21.08.1932. Југославија (Прилеп) – Граѓански (Врање) 5:0
За првак на подсојузот
18.09.1932. СК Скопски (Скопје) – Југославија (Прилеп) 3:6
На натпреварот со СК „Железничар“ од Скопје, дресот на СК „Југославија“ го носеле: Димитар Ветаџокоски, Милан Сапунџија, Методија Точак, Рампо Здравески – Џимпиро, Кирил Најчески, Блаже Мојсоски, Петар Костоски, Виктор Тошески, Методија Митуш, Иван Карески, Илија Порјазоски, Кирил Чаушески – Талата, Блаже Вернар, Димитар Москоски – Малакот, Кирил Крстески – Штркот.
Јужен куп (Квалификации за прва лига 1933/34):
13.08.1933. Југославија (Прилеп) – Цар Лазар (Крушевац) 0:1 (0:0)
20.08.1933. Цар Лазар (Крушевац) – Југославија (Прилеп) 2:0 (1:0)
Во 1936 година, за верските празници Петровден и Павловден, во Прилеп гостувал СК „Југославија“ од Белград.
____________________________________________________________
Нови Сад, 1 октомври 1929 година
До
Сотир С. Спасевић
Спојна Цеста бр. 4
Вила Сокол
Загреп
Драги другаре Сотире
…СК Југославија наша некни играла за првенсвото та и изгубила 3:2 за Битољ, али со Битољ силан Прилеп е на публика. Отишле 400 души таму.
Димитрија Кожаро, крилото од Југославија, умрел преди 10 дена.
_____________________________________________________________
Прилеп, 28 ноември 1930 година
Do
Gospodinu
Sotiru Spaseviču
Student farmacije
Skalčičeva 35/IV
Zagreb
Чок Селам (Многу поздрави)
Од Бибито Шишко
…Тро за спорто да си попрајме муабет.
Првенствената со „Битољ“ је одложена за в пролет. „Битољ“ чекаше да бида казнети некој играчи од „Југославија“ (За непокорност на судијата, ко се десија инцидентите намерно импровизирани од „Битољ“, ко бевме јас и ти в Битола). И сега ко му и саопштија казните (За првенствени утакмици само!) на Ветаџока , Талата, Џимпиро и Кечето, му се јавиа „Битољ“ на подсавезо в Скопје оти се спремни! Арно ама подсавезо ги „дрнува“ битолчани и ја одложува утакмицата за в пролет ко че му истекни казната на играчите од „Југославија“.
Во неделата овде на 3 новембар играше овде „Спорт“ од Скопје и подлегна со 4:0. „Спарта“ претенденто на подсавезното првенство на 16то место подлегна со 3:0. На 30 новембар и на 1 децембар овдешната „Југославија“ гостува во Скопје и игра двата дена со првако „Југ“, а чак и другата сабота и недела игра во Скопје пак со „Југ“, Белградска „Југославија“. Резултатите ће ти ги јавам.
Коментирај