Поштенски жигови

Поштенски жигови

Поштенскиот жиг се појавил во XVII век, кога имало потреба прецизно да се одреди датумот кога писмото или пратката е пристигната во поштата. Со појавата на поштенската марка, жигот почнал да се користи за спречување на повторната употреба на истата.

Покрај датумот, со текот на времето поштенскиот жиг добил и други карактеристики, како што се: местото и бројот на поштата каде што се користи, точното време кога е употребен, како и ознаката на службеникот кој го користел.

Освен обичниот жиг, постои цела редица на други жигови: војни, цензурни, пригодни, амбулантни, рекламни, пропагандни…

Пригодните жигови имаат за цел да ги одбележат значајните настани и годишнини.

Колекционерството на поштенски жигови се нарекува маркофилија.

Во овој албум поместена е богата колекција на жигови, поврзани со градот Прилеп и кои низ вековите се користеле во нашиот град.