Марио Падрони

Марио Падрони во 1943 година дезертирал од италијанската фашистичка војска и се приклучил кон грчките партизани.
На 1 мај 1944 година заедно се уште 50-тина италијански комунисти се приклучил на македонското народно-ослободително движење. Падрони бил одреден за лекар во партизанската болница на Втората оперативна зона.

Како санитетски референт несебично им помагал на ранетите и болни борци пред и за време на ослободувањето на Прилеп. По ослободувањето на Македонија, кратко време живеел во Прилеп, потоа во Скопје, каде што и се оженил и добил син. Југословенката народна армија ја напуштил со чин капетан и со семејството заминал во Италија.

Во родната земја бил активист во Италијанската комунистичка партија поради што бил убиен од неофашистите.