ФК „Пролетер“ е формиран во 1947 година, од ромското население во Прилеп, од населбите Тризла и Дабнички Завој.
Иницијатори за формирање на ФК „Пролетер“ се: Џемаил Адемоски-Чочката, Селајдин Алиоски, Неџат Рушидоски, Рамиз Бајрамоски, Емин Еминоски, Мемед делоски, Шукрија Рушидоски и Селми Џелоски.
ФК „Пролетер“ првиот натпревар го одиграле со екипа од селото Кривогаштани. Иако се потпирале исклучиво на аматерски принципи, ФК „Пролетер“ е вистински пример за клуб на ентузијасти. Иако немале свое игралиште, без реквизити, патувајќи со запрежни коли и трактори, клубот егзистирал без прекин се до 1959 година. Куриозитет е кога на гостувањето во Крушево, за да стигнат да ја одиграат средбата со ФК „Питу Гули“, играчите патувале 30 км пеш.
Во натпреварувачката 1958/59 година, клубот играл најуспешно во Битолскиот фудбалски потсојуз, кога имал и значителни шанси да биде и есенски првак.
1949 година, ФК „Пролетер“: Џемал Чочката, Рамиз, Фаик, Алија Билески, Мамут Пижо, Кенан Караман, Ало, Селајдин Чаушот, Илфан Кршиколоски, Осман Гаро, Шукрија Балески и Кадрија.
ФК ПРОЛЕТЕР НОВ РЕГИОНАЛЕЦ: (стојат – од лево на десно:) Ариф Османоски (секретар), Сафет Демироски, Демир Мамудоски, Дестан Мемедоски, Наждет Рушдоски, Саме Мамудоски, Петрит Мамудоски, Неџип Османоски, и Нијази Демироски (тренер). Клечат: Алија Адемоски (технико), Рушид Хасаноски, Мамуд Асаноски, Сафет Исљамоски, Ахмед Рушаноски и Елвис Асаноски. ****************************************************************************************
МАЛ КЛУБ СО ГОЛЕМО СРЦЕ
12 јули 1995 година
„Скок“
- Сиромаштијата со години е составен дел на клубот, но никогаш не била посилна од желбата за опстојување.
– Континуитет на постоење од 1947 година.
– Голема радост по победата во квалификациите за влегување вод југозападниот регион.
Прилепските Роми имаат свој миленик – тоа е фудбалскиот клуб Пролетер, кој, верувале или не, постои веќе 48 години, формиран во далечната 1947 година од група Роми, фудбалски ентузијасти, предводени од популарниот „Чочката“,
кој играл извонредно фудбал, а бил и брз како чочка, па затоа и до денес.
му останал прекрарот. Сиромаштијата му била секојдневен придружник на ФК Пролетер од Прилеп но тој никогаш поради тоа не се расформирал. Секогаш опстојувал и не испуштил ниту една сезона,а да не се натпреварува.
Со право за „ФК Пролетер може да се рече дека е мал клуб – со големо срце, зашто успеа да ја сочува својата долгогодишна традиција.
Порано екипата на Пролетер со успех се натпреваруваше во Битолскиот потсојуз, заедно дури и со екипите на Пелистер, Караорман, Кораб, Питу Гули и многу други клубови. Пролетер, подоцна, играше и во Титовелешкиот потсојуз, а во квалитетната Прва лига на Прилеп секогаш играше главна улога. И, конечно,
по три децении, одново избори пласман во повисок ранг и од есен ќе се
натпреварува во Пелагонскиот регион.
Како првак на Северната фудбалска лига на Прилеп, во која, речиси, се прошета, во квалификациите убедливо со 7-1 го елиминира вицешампионот на Јужната фудбалска лига на Прилеп, Единство од Бела Црква, а потоа, во финалето, и првакот на оваа група, мошне афирмираниот тим на Тополчани од истоименото село, дакласирајќи го со резултат 3-0!
Двата триумфа беа проследени од над 4.000 гледачи, во атмосфера на која би можел да му позавиди дури и официјалниот шампион на Македонија – Вардар!
Тоа беше вистинска бразилска атмосфера, проследена со зурли и тапани, на која се вееше македонското знаме, со безброј. транспаренти и коректно навивање.
Беше прекрасно и чуствително до солзи – радосници да се гледа како фудбалерите на Пролетер заедно со своите симпатизери се радуваат на големиот успех. А, кулминацијата на радоста стаса и назелениот тепих и на преполните трибини, кога на капитенот на Пролетер, Сафет Демировски, претседателот на
Општинскиот фудбалски сојуз на Прилеп и, наедно, на Пелгонискиот регион, Петре Божиноски, му го врачи пехарот за победничкиот триумф.
Радоста од Градскиот стадион „Гоце Делчев“, се пресели во населбата „Тризла“. А таму – се славеше со денови, како да се правеше свадба, а и имаме зошто.
Благодарение на тимот – ентузијаст, Прилеп доби уште еден регионалец, кој сега сигурно ќе игра една од главните улоги во Пелагонискиот
регион. А, кога го велиме ова, сигурни сме во квалитетите на клубот, кој на Градскиот стадион приреди две високвалитетни фудбалски претстави со кои ги освои симпатите на пошироката јавност.
Во Пролетер има и такви фудбалери кои би можеле да ги бранат и боите на некои прволигашки екипи, што го потврдија со своите маестрални акции, кои завршуваа или со убави голови или со дриблинзи и на противничките голмани, кревајќи ја на нозе и публиката.
Оттука, уште сега можеме да претпоставиме дека натпреварите на Пролетер и во Пелагонскиот регион ќе се играат пред аудиториум од голем број гледачи,
што на тимот ќе му биде и најголемото „оружје“ за постигнување – нови успеси.
ПРОЛЕТЕРСКИ ДО УСПЕХ
Пролетер отсекогаш живееше пролетрески но никогаш не се предаваше.Собиравме тутун и разни други прилози, носевме хартија во „Отпад“ но ниту еднаш не се откажавме од натпреварувањето.
Игравме и со позајмени, искинати копачки и дресови, но не се страмевме, зашто сиромаштијата ја надополнувавме со добри игри и резултати.
Со новото влегување во регион, ние го подготвувами и прославувањето на нашиот голем јубилеј – 50 годишното постоење на клубот, што ќе биде по две години. А дотогаш ќе се потрудеме да ги зарадуваме прилепските љубители на фудбалот со уште еден наш успех – влегување во Втората лига – Вели претседателот Сами Јашароски, кој не заборави да ни каже и тоа дека за успехот голема заслуга има и претпријатието „Комуналец“, кој му доделил и финансиска помош на клубот.
ТЕЛЕГРАМА ОД РЕЏО
За опстојувањето на Пролетер и за големиот успех, големи заслуги има фудбалскиот ентузијаст Реџо Асаноски, своевремено првиот Ром – фудбалски судија во Македонија.
Моментално Асаноски е на привремена работа во странство, но и оттаму го помага својот клуб – и морално и финансиски.
Конечниот успех Асаноски го чекаше. на телефон, за да, веднаш – потоа успехот им го честита со телеграма, во која вели дека – „жали што и самиот директно не учествуваше на големиот успех и неизмерната радост на својот Пролетер“.
Миле Талески
АВСТРИЈЦИТЕ ОД 0-3 СТИГНАА ДО 3-3 ВО ПРИЛЕП
9 мај 2011 година
„Нова Македонија“
Неверојатен пресврт се случи на пријателскиот, меѓународен фудбалски натпревар во Прилеп, помеѓу ривалите, домашниот Пролетер и гостинскиот Пролетер од Виена.
Прилепчаните поведоа со 3-0, преку Кареман Асаноски во 15., Нури Рушаноски во 20. и Асан Еминоски во 30. минута, на радост на близу 1.000 гледачи на стадионот „Гоце Делчев“.
Се чинеше дека на повидок е висок триумф на помладата домашна екипа. Но, во продолжението се случи пресврт, откако во составите имаше многу измени. Австријците силите ги чуваа за финишот, така што со хет–трикот (три гола) на Ферди Мемедоски во 60., 75. и 85. минута стигнаа до израмнување, 3-3.
- Моравме да направиме измени бидејќи веднаш, наредниот ден, нé чекаше важен првенствен натпревар кај Боротино. Испуштивме победа, но побитна е играта, каде што се покажавме – изјави Сами Јашароски, член на управата од ФК Пролетер Прилеп.
Пријателскиот меч со свое присуство го удостоија градоначалникот на Прилеп, Марјан Ристески, и претседателот на ОФС Прилеп, Марјан Стојкоски-Манта. Имаше и придружни манифестации, како Ромската вечер, каде што беше избрана убавица за 2011-та. Гостите презадоволни од приемот заминуваат во Австрија.
- Вакви натпревари треба да бидат почести. Реваншот кај нас го планираме наесен – најавија од ФК Пролетер Виена.
Коментирај