Септември 1918: Француски и Српски војски навлегуваат во Мариово...

Битките околу Прилеп, септември 1918 година

БАЛКАНСКОТО БОЈНО ПОЛЕ

11 септември 1918 година
„Воен дневник“

Солун, 10 септември

Официјален извештај на Штабот на сојузничките војски на Исток за 10ти септември 1918:

Гонењето на непријателот се продолжува без прекин на целиот фронт.
Под постојан оган од нашите трупи, напаѓани од митралезите и бомбите на нашите авиони, непријателските колони се повлекуваат нагло кон север во неопишан неред.
На север од Битола, и покрај огорчениот отпор на непријателската отстапница која е силно вооружена со митралези и артилерија, го поминавме селото Тополчани кое се наоѓа на половина пат помеѓу Битола
и Прилеп.
Патот Прилеп — Кавадар (Кавадарци) е под контрола кај превојот Плетвар.
Непријателот при повлекувањето предизвика неколку пожари во Прилеп.
Нашите трупи напредуваат северно од Вардар, од страната на Криволак и Демир Капија.
Северно од Гевгелија ги зазедовме селата: Пецово, Ковинци и Пардовица. исто така заземени се Богданци и Дојран.
Во текот на денот заробивме нови заробеници и десетина топови од кои неколку се со голем калибар.
Три комплетни возови со авиони и нови автомобили, цистерни со бензин, храна и инжинериски материјал паднаа во наши раце. Невозможно е дури и приближно да се процени вредноста на пленот.
Секаде, во текот на пробивот, нашите трупи заробуваат огромни количини на воен материјал, кој често пати е во одлична состојба.
Продолжувајќи храбро со своите подвизи, нашите авијатичари предизвикуваат паника во непријателските колони, на кои само вчера фрлија повеќе од 4 тони бомби.“

Солун, 11 септември

Српски официјален извештај за 10ти и ноќта спроти 11 септември 1918:

„Навлегувањето нашите трупи на левиот брег на Вардар и северно од патот Прилеп — Градско продолжува без застој. Француските трупи
влегуваат во Прилеп а непријателот со борба одстапува кон Велес.
Во наши раце падна значителен воен плен на патот Прилеп — Градско.
До сега е јавено дека 13 топови, поголем број, коли, полски кујни, коњи, волови и мноштво на друг воен материјал.
Бугарите при повлекувањето напуштија една воена болница со 120 ранети и болни.
Од наша страна се ослободени и неколику романски војници од бугарското ропство.“

Нема Коментари

Коментирај

© 2011/12 dbmc