Гога Зафироски...

Гога Зафироски

Гога Зафироски Зафиро е роден на 7 април 1925 година Првите музички почетоци му биле на неполни 17 години во еден циркус кој гостувал во Прилеп.
За време на преставата во циркусот водителот побарал од публиката човек кој знае да пее, по што неговите другари го пријавиле Гога.
Кога Гога запеал публиката и водителот биле воодушевени од неговиот глас.
Водителот му рекол на Гога:
- „Ти момче си роден за пејач и ќе пееш секој ден во овој циркус додека сме тука“.
Со пеењето во циркусот ги заработил првите пари од пеење.
На 18 години се вработил во монополот каде што работел на манипулацијата на тутунот им пеел на другите работници поради што бил миленик во монополот каде што пеел и на разгласната станица.
За време на окупацијата во 1943 година некои постари мангупи го натерале Гога да ја запее тогаш популарната германска песна „Лили Марлен“ пре германците во монополот но со други зборови:

„Нашата кокошка снесе три јајца
и сега ги квачи да станат пиленца…
После три недели станале петли
и сега се борат кој да победи
за тебе Лили Марлен…“

Германците биле воодушевени од настапот на Гога и неговата „Верзија“ на Лили Марлен…
Го бакнувале, прегрнувале и му аплаудирале не знаејќи што всушност му испеал Гога. Но кога некој им кажал кои биле зборовите во песната Гога бил затворен во полицискиот участок каде што бил ѕверски претепан особено по стапалата поради што целиот живот ги чуствувал последиците од тепањето.
По ослободувањето Гога Зафироски заедно со техничарот Киро Грдан направилерадио станица на кратка бранова должина која била прифатена на општо задоволство од Прилепчани…
Така Гога ја формирал првата радио станица во Прилеп и станал нејзин прв директор но истовремено и нејзин спикер, спортски коментатор, конфарансие и пејач целиот свој работен век…
Гога Зафироски – Зафиро снимил 4 плочи за „Југотон“ и испеал преку 140 песни.
За него е снимен и документариц и видео лента од Македонската Радио Телевизија.
За својата дејност е наградуван со повеќе награди и признанија меѓу кои се истакнува орденот за заслуги за народ со сребрена ѕвезда од претседателот на СФР Југославија.
Со неговата сопруга Менка имале три деца: Павлина, Сашо и Лиле.
Починал во 2004 година.

Текстот е напишан од Елена Зафироска Момироски

Нема Коментари

Коментирај

© 2011/12 dbmc