Марјан Спиркоски и Илија Талески. Подготовки на групата „Генеза“ за концерт, 1978...

„Генеза“

„Генеза“ ја сочинуваа Прилепчаните: Илија Талески – клавијатури и вокал; Зоран Увцески – соло гитара; Душко Велкоски – вокал; Марјан Спиркоски – бас гитара; Владо Талески – тапани. Во почетокот свиреа блуз-џез-рок, ју-рок, класичен и психоделичен рок, итало-француски балади. За потребите на РТСкопје, „Генеза“ сними авторски блуз-инструментал и препев на тема од Сантана.

„Генеза“ вежбаа во просториите на Универзалната сала. Нивна идеја беше поставувањето на „Фестивал за млади таленти“, но управата на Тут-Ком не одобри средства за озвучување. Подоцна, во „Генеза“ членуваа и Пецо Смугрески – соло гитара и Трајче Рувчески-Волкот – тапани.

Освен во Прилеп, „Генеза“ беа чести гости низ градовите во Македонија. И денес се прераскажуваат свирките од Охрид, каде им се придружувал и хармоникашот Ласкало. Впрочем, тоа беше предвестие на балканскиот турбо-фолк…

Нема Коментари

Коментирај

© 2011/12 dbmc